昨日中秋节，我在间房度训左一日之后，夜晚比人叫左去包饺子……

   10几个F一齐开party，一边吃一边玩，真系好开心。虽然佳节唔系同屋企人过，但系我都觉得好开心，毕竟，够晒热闹。我地一直玩到今朝2：30先散场，番到学校已经接近3：00了，好彩，有人送。玩左成晚，觉得最满足0既，中系果个迷你月饼，蛋黄莲蓉月，哈哈~~终于达成心愿啦~！

   上一年0既今日，成家人，中有爷爷嘛嘛，好开心甘吃左一餐团圆饭。但系点都估唔到，果餐饭，系爷爷0既最后一餐团圆饭....爷爷79岁仙逝。以前听爸爸讲过，爷爷系一个好犀利0既人。爷爷0既爸爸土改前系个小地主，土改之后变得一无所有，于是爷爷10几岁就只身去到上海做学徒，后来南下来到广州。果阵屋企好穷，爷爷嘛嘛带住爸爸中有四个姑妈姑姐在广州闯世界。爷爷嘛嘛生活好朴素，就系甘，距地一手一脚带大左5个细路……在我20年0既记忆中，爷爷始终系一个好朴素0既人，虽然生活环境已经有好大飞跃，但系距始终保持果种朴素，果种慈祥……

   从爷爷入院到仙逝果一刻，我都没机会陪在距身边....直到送别礼，我先出现在距灵柩旁边---爷爷，你依然笑得甘慈祥……由始至终，虽然眼眶中满住热泪，但系我没留过一滴眼泪，因为我知，爷爷唔想睇到我喊....果阵我已经19岁了。

   依次番广州，我去到爷爷0既墓前，深深甘，好恭敬甘鞠左3个躬。“爷爷，我番来睇你了，你放心啦，你个孙我已经懂事了……”

   又到中秋了，在度，献上我对爷爷最衷心0既祝福……爷爷，节日快乐。